«Birden aıtaıyn, jekpe-jek orta salmaqta ıaǵnı, 160 fýntta ótedi. Eki boksshy da 10 mólsherli qolǵappen judyryqtasady. Regıdratasııa jóninde pýnkt joq. Bul 160 fýnttaǵy qarapaıym jekpe-jek. Bary osy ǵana». Golovkın-Alvares jekpe-jegine qatysty basqa da málimetter:
- Tvıtterde boks týraly jazatyn ataqty Boxing Kingdom paraqshasy oqyrmandar arasynda Golovkın-Alvares jekpe-jegine oraı saýalnama uıymdastyrdy. Saýalnamaǵa qatysqan 1835 oqyrmannyń 60 paıyzy Golovkın jeńedi dese, 40 paıyzy Alvarestiń jeńisine senedi.
- ESPN telearnasynyń kommentatory Den Rafael Saýl Alvares pen kishi Hýlıo Sezar Chaves jekpe-jegi bir mıllıon aqyly satylym (pay-per-view) jınaǵan. «Áli aqyly satylymnyń resmı málimdesi jasalǵan joq. Biraq, maǵan jetken aqparat boıynsha aqyly satylym mıllıonǵa jetken. Bul jeksenbi kúngi jekpe-jek úshin jaqsy kórsetkish», - deıdi Rafael tvıtter paraqshasynda.
- Boxingnews24.com jýrnalısi Den Embroýz Gennadıı Golovkın meksıkalyq Saýl «Kanelo» Alvaresten úlkendigi Golovkınge basymdyq beretinin atap ótti. «Kanelo» Golovkınnen kishi ekenin jeksenbi kúngi keshte kórdik. Saýl Gennadııge boı men salmaq jaǵynan utylady. Menińshe, Golovkın áli jattyǵýyn bastamaǵan. Sonda da, ol dál qazir Alvaresten iri. Bálkim, Oskar De La Hoııa eki jyl buryn Saýl orta salmaqtyń boksshysy emes dep durys aıtqan shyǵar. Eger, «Kanelo» 160 fýnttyń úzdikterimen judyryqtasatyn bolsa, shyǵynǵa ushyraýy múmkin. Nátıjesinde, Golden Boy ózderine qolaıly birinshi orta salmaqqa qaıta túsedi» - deıdi avtor.
- Golden Boy Promotions ókili Oskar De La Hoııa álemniń 12 dúrkin chempıony kishi Floıd Meıvezerge karerasyn qaıta jalǵastyrýdy jáne Golovkın-Alvares jekpe-jeginiń jeńimpazymen kezdesýdi usyndy. «MakGregordy umyt. Ol jigitte bokstan eshqandaı tájirıbe joq. Floıd, tyńda, eger jekpe-jek ótkizgiń kelse «Kaneloǵa» revansh kezdesýge múmkindik ber nemese Golovkınmen jekpe-jek ótkiz» - deıdi ol.
- LA Times jýrnalısi Lens Pıgmaerdiń aıtýynsha, Gennadıı Golovkın men Saýl Alvares arasyndaǵy jekpe-jektiń kelisim shartynda revansh jekpe-jegi qarastyrylǵan. Sharty mynadaı: Eger bul kezdesýde Golovkın jeńiske jetse «Kanelomen» revansh jekpe-jek ótkizedi. Al, «Kanelo» jeńetin bolsa, onda ol ózine kez-kelgen boksshyny qarsylas etip tańdaı alady jáne revansh jekpe-jek ótkizýge mindetti emes.
Álı BITО́RE, «Egemen Qazaqstan»
